香港新聞報道

我唔同意有些香港人話無線寧願向大陸, 外地買新聞都唔肯自己製作新聞的講法.

兩年前美伊戰爭開戰之前, 無線就專誠派員去科威特實地報道啦. 如果無線係咁唔注重新聞的話, 就乾脆買CNN 同鳳凰衛視新聞片咪夠囉. 係咪??

另外, 我並唔認同有些香港人話香港新聞工作者冇國際視野的說法. 香港有好多新聞工作者都享譽國際, 好似而家係港大主持新聞系的陳婉瑩就係一個好好的例子.

另外, 重有戰地記者張翠容. 同埋以前在無線做記者與而家在英國BBC做記者的么美玲. 陶傑都在BBC工作過. 咁就足以証明, 香港的新聞工作者同新聞系並唔係好似有些香港人咁講目光咁短視同狹隘.

我認為電視新聞與雜誌新聞唔可以混為一談. 係香港人都知道香港有好多雜誌記者多數唔係新聞系出身, 而且都有名你叫係"八婆雜誌", 八婆雜誌講的野係小道消息, 八婆雜誌的記者全部匿名根本就唔使為錯誤的報道負責任. 係外國都有好多呢類"八婆雜誌"取向的媒體, 你可以話八婆雜誌的記者係敗類, 但唔可以一竹篙打一船人.

香港新聞政治化, 其實係香港社會轉變的結果. 以前港英時代, 英國人對新聞有監察. 以前殖民地的香港人, 根本唔咁談咁多政治, 因為會好容易畀英國逮解出境. 係近呢二, 三十年先冇咁嚴重.

九七回歸之前, 殖民地的香港人淨係掛住搵錢, 邊個咁得閒理政府與立法局自選議席的議題呢? 但係九七回歸之後, 香港唔再好似之前咁乜野都由英國人設計好哂. 回歸後, 香港人要自己落手落腳去做, 政治自然會變成一個大的議題啦, 新聞多報道亦係無可厚非.

最後, 有關香港新聞從來都不作分析性的報道係一個香港歷史的問題. 香港之前係英國殖民地, 所以要保持中立的態度黎處理新聞, 唔可以偏袒於任何一方之餘亦唔可以表達自己香港的立場. 呢一方面從香港的新聞用字就可略知一二.

中國與台灣的新聞製作叫"報導", 有指導的意思. 即係以佢角度黎講, 係有黑白對錯的意思, 就係暗示佢要向觀眾灌輸某一種的觀點.

呢個好可能中國與台灣都受(過)極權 (蔣介石時代的國民黨和共產黨) 的統治有關; 至於香港用的字眼係"報道", 就係報道新聞者用一種中立的態度去報道畀讀者同觀眾知呢個世界發生左乜野事. 而對事件不作任何評論, 讓讀者同觀眾自己去思考, 分析.

呢個就係兩岸三地之間, 中港台新聞取向手法的不同. 得閒睇下中國與台灣的新聞報"導", 你就知道活在享有新聞中立與自由的香港係幾咁幸福!

>>>>>>>>>>>>>>>>>>>>>

不平人